Jul 1, 2011

இந்தியாவை புறக்கணித்த இலங்கை! அவமானத்தில் இந்தியா!

கொழும்பு, JULY 02: சீனாவின் கரன்சியை (யுவான்) இலங்கையின் சர்வதேச வர்த்தக நடவடிக்கைகளுக்கு பயன்படுத்த இலங்கை மத்திய வங்கி அனுமதியளித்துள்ளது.

இலங்கையில் இப்போது ஆஸ்திரேலியாவின் டாலர், கனடாவின் டாலர், டேனிஸ் குரோனர், யூரோ, ஜப்பானின் யென், ஹாங்காங் டாலர், நியூசிலாந்து டாலர், நார்வேயின் குரோனர், இங்கிலாந்தின் பவுண்டு ஸ்டெர்லிங், சிங்கப்பூர் டாலர், சுவிடனின் குரோனர், ஸ்விஸ் ஃபிராங், அமெரிக்க டாலர் ஆகியவை செலாவணியாக இலங்கையில் பயன்படுத்தப்பட்டு வருகிறது.

இந்நிலையில், இலங்கை மத்திய வங்கி வெளியிட்டுள்ள அறிக்கையில் சீனாவின் கரன்சி, இலங்கையின் பன்னாட்டு வர்த்தக நடவடிக்கைகளுக்கு பயன்படுத்த அனுமதிக்கப்பட்டுள்ளதாக தெரிவிக்கப்பட்டுள்ளது. சீனா-இலங்கையிலான வர்த்தகம் மற்றும் முதலீடுகளை அதிகரிக்கவே இந்த நடவடிக்கை மேற்கொள்ளப்பட்டுள்ளதாக அதில் கூறப்பட்டுள்ளது.

உலக அளவில் சீனா கரன்சி ஏற்றுக் கொள்ளப்பட்டு வருகிறது என்றும் தெரிவிக்கப்பட்டுள்ளது. இதனால் வர்த்தக பரிவரத்தனை எளிதாகும் என்றும், கரன்சி பரிமாற்ற செலவும் குறையும் என்று கொழும்பு பல்கலைக்கழக பொருளாதார நிபுணர் டாக்டர் சிரிமால் அபோ ரத்னே கூறினார்.

இந்தியா-இலங்கை இடையேயான வர்த்தகம் அதிக அளவில் உள்ளது. 2008-09-ம் ஆண்டில் 2.8 பில்லியன் டாலர் வர்த்தகம் நடைபெற்றுள்ளது. ஆனால், சீனா-இலங்கை இடையிலான வர்த்தகம் 1.1 பில்லியன் டாலராக உள்ளது. இலங்கயின் மொத்த இறக்குமதியில், 18 சதவிகதம் இந்தியாவிலிருந்துதான் வருகிறது என்பது குறிப்பிடத்தக்கது. எனினும், இலங்கை அரசு அனுமதித்துள்ள வெளிநாட்டு கரன்சிகளில் இந்திய ரூபாய் சேர்க்கப்படவில்லை என்பது குறிப்பிடத்தக்கது.

No comments: